Archive for ஆலய வழிபாடு

சோணையன் பாமாலை (Sonaiyan Pamalai)

மாயாண்டி கருப்பையா ஆச்சியம்மன் தொட்டிச்சி மறக்காமல் காக்க வருக !
மனதாரக் கொண்டாடும் குலதெய்வம் சோணையா மேலான வாழ்வு தருக !

ஓமக்காட்டிலே ஒய்யாரமாய் இருக்கும்
ஒப்பற்ற சோணையா வா !
யாவர்க்கும் துணையாகி அனைவர்க்கும் அருள்கின்ற
  அன்பான தெய்வமே வா !
சாமத்தில் நினைத்து உனை சோணையா என்றதும்
  ஆபத்தில் காக்க நீ வா !
ஆரத்தி தீபங்கள் அருமையாய் சாம்பிரானி
  வாசத்தில் வரும் ஐயா வா !

மாயாண்டி கருப்பையா ஆச்சியம்மன் தொட்டிச்சி மறக்காமல் காக்க வருக !
மனதாரக் கொண்டாடும் குலதெய்வம் சோணையா மேலான வாழ்வு தருக !

உயிருக்கு உயிரான உனை நாங்கள் கொண்டாட
உடனிருந்து காக்க வேண்டும் !
நாவிற்கு இனியதாய் நின் நாமத்தை சொல்லவே
நலங்களை நல்க வேண்டும் !
மேனிக்கு மருந்தாகி மேலான நலம் தந்து
மேண்மையாய் வாழ வேண்டும் !
காணிக்கை செலுத்தியுனை போற்றுவோர் தமக்கென்றும்
குறையாத செல்வம் வேண்டும் !

மாயாண்டி கருப்பையா ஆச்சியம்மன் தொட்டிச்சி மறக்காமல் காக்க வருக !
மனதாரக் கொண்டாடும் குலதெய்வம் சோணையா மேலான வாழ்வு தருக !

கயவர்கள் கபடர்கள் கொள்ளையர் பயமின்றி
காக்கவே கத்தி கொண்டாய் !
அனைவர்க்கும் நலம் தர நிலையான வடிவிலே
சுக்குமாந்தடியும் கொண்டாய் !
அழகான முகம் அது பயமாக தோன்றவே
ஆங்கார மீசை கொண்டாய் !
கலையாது கொண்டையைக் கட்டியே வைத்து நீ
காக்கின்ற தோற்றம் கொண்டாய் !

மாயாண்டி கருப்பையா ஆச்சியம்மன் தொட்டிச்சி மறக்காமல் காக்க வருக !
மனதாரக் கொண்டாடும் குலதெய்வம் சோணையா மேலான வாழ்வு தருக !

ஆறு ஊர் பங்காளி கூடியே படைக்கின்ற
அறுசுவையை ஏற்க வா வா!
ஆணிக் குறட்டிலே ஏறி நீ சொல்கின்ற
அருள்வாக்கு பலிக்க வா வா !
அள்ளியே பூசிய விபூதி முகத்துடன்
அனைவர்க்கும் அருள வா வா !
கையிலே பிடித்த நல்கத்தியும் வேலுடன்
காட்சிதர வா வா !

மாயாண்டி கருப்பையா ஆச்சியம்மன் தொட்டிச்சி மறக்காமல் காக்க வருக !
மனதாரக் கொண்டாடும் குலதெய்வம் சோணையா மேலான வாழ்வு தருக !

எந்நாளும் உனையே எங்களது தெய்வமாய்
கண்ணாகப் போற்றுகின்றோம் !
முன்னாலே தோன்றியே முதல் ஆளாய் வந்து நாள்
முழுவதும் காக்க வேண்டும் !
அண்ணே என்றுனை அன்புடன் அழைத்ததும்
அடுத்து நீ நிற்க வேண்டும் !
பொன்னையும் பொருளையும் நல்லதோர் வாழ்வையும்
நாளெல்லாம் நல்க வேண்டும் !

மாயாண்டி கருப்பையா ஆச்சியம்மன் தொட்டிச்சி மறக்காமல் காக்க வருக !
மனதாரக் கொண்டாடும் குலதெய்வம் சோணையா மேலான வாழ்வு தருக !

பொழுதெல்லாம் கருத்துடன் பலமுறை தேடியும்
போனபொருள் கிடைக்கவில்லை !
பொன்னான சொணையா காணிக்கை முடிந்ததும்
கண்முண்ணே கிடைக்கச் செய்தாய் !
காரியம் துவங்குமுன் சோணையன் நினைவுடன்
காசினை முடிந்து வைப்போம் !
வாரியே அருளினை வழங்குவாய் செயலெலாம்
சீருடன் நடக்கக் காண்போம் !

மாயாண்டி கருப்பையா ஆச்சியம்மன் தொட்டிச்சி மறக்காமல் காக்க வருக !
மனதாரக் கொண்டாடும் குலதெய்வம் சோணையா மேலான வாழ்வு தருக !

வம்பர்கள் சிலரது தொல்லையால் எளியவர்
வாழ்க்கையே சிரமம் ஆகும் !
சோகத்தைப் போக்கிட சோணையனை நினைத்திட
சோர்ந்திடும் பகைவர் கூட்டம் !
அநியாயம் செய்தெம்மை அரட்டிடும் மனிதர்கள்
அடங்கிட அருள வேண்டும் !
அன்பர்கள் போலிருந்து துன்பந்தரு கயவர்கள்
அழித்திடச் செய்ய வெண்டும் !

மாயாண்டி கருப்பையா ஆச்சியம்மன் தொட்டிச்சி மறக்காமல் காக்க வருக !
மனதாரக் கொண்டாடும் குலதெய்வம் சோணையா மேலான வாழ்வு தருக !

தொழிலது செழித்திட தேர்வினில் வென்றிட
துணைபுரிய வெண்டுமைய்யா !
திருமணம் நடந்திட குழந்தையும் பிறந்திட
அருள்புரிய வெண்டுமையா !
உறவுகள் போற்றிட உறைவிடம் பெற்றிட
வழிபுரிய வேண்டுமையா !
வாழ்வது சிறப்புற புகழுடன் திகழ்ந்திட
நலம்புரிய வெண்டுமையா!

மாயாண்டி கருப்பையா ஆச்சியம்மன் தொட்டிச்சி மறக்காமல் காக்க வருக !
மனதாரக் கொண்டாடும் குலதெய்வம் சோணையா மேலான வாழ்வு தருக !

மனநலம் உடல்நலம் மாந்தர்க்கு நலிவின்றி
மங்காது இருக்க வேண்டும் !
மருத்துவம் இன்றியே மனதினில் நினைக்கையில்
மருந்தாகி காக்க வேண்டும் !
வெளியினில் செல்கையில் வேளையில்
திளைக்கையில் ஆபத்தை நீக்கவேண்டும் !
வேதனை செய்கின்ற விலங்குகள் பூச்சிகள்
விலகியே ஓட வேண்டும் !

மாயாண்டி கருப்பையா ஆச்சியம்மன் தொட்டிச்சி மறக்காமல் காக்க வருக !
மனதாரக் கொண்டாடும் குலதெய்வம் சோணையா மேலான வாழ்வு தருக !

சோணயன் இருக்கிறான் சோகத்தை நீக்குவான்
சொத்தினை காப்பான் என்பர் !
நல்லவர் வருந்திடத் தீமைகள் செய்திடின்
நியாயத்தைக் கேட்பான் எனபர் !
எக்கணம் நிணைத்தாலும் எவ்விடம் அழைத்தாலும்
அக்கணம் ஓடி வருவாய் !
நித்தமும் கொண்டாடும் நின்குல மக்களை
நலியாது காக்க வருவாய் !

மாயாண்டி கருப்பையா ஆச்சியம்மன் தொட்டிச்சி மறக்காமல் காக்க வருக !
மனதாரக் கொண்டாடும் குலதெய்வம் சோணையா மேலான வாழ்வு தருக !

Leave a Comment

aalaya vazibaadu – tharani thanil

ஆலய வழிபாடு – தரணி தனில்

Tharani thanil

தரணிதனில் ஆறுபத்து அறுகோடி தீர்த்தமும் சரவணத்துள் அடக்கம்
சாற்றுமோர் எழுகோடி மந்திரங்களும் உன் சடாக்ஷரத்துள் அடக்கம்

விரதமிகு நவகோடி சித்தர்களும் உனது சுபவீக்ஷனந்தனில் அடக்கம்
மேலான தேவாலயங்களும் உன் ஆறுபடை வீட்டினிற்குள் அடக்கம்

இரவி முதல் முப்பத்து முக்கோடி தேவரும் உன் இதயகமலத்துள் அடக்கம்
ஈரேழு புவனமுதல் அண்டங்கள் பலவும் உன் இடத்தினில் அடக்கமய்யா

வரிசைமிகு பக்தஜன பரிபாலனா மோக வள்ளி குஞ்சரி மணாளா
வனசமலர் அயல்மதனை அருள் சரச கோபாலன்

வருக சரவண முருகனே

வருக சரவண முருகனே

Download MP3 for this Song

Tharani thanil aarupathu arukodi theerthamum saravathul adakkam

saatrum oor elukodi manthirangalum un sadaksharathul adakkam

virathamigu navakodi sitharkalum unathu subavikshanan thanil adakkam

melana thevalayangalum unathu aarupadai viitinirkul adakkam

iravi muthal muppathu mukkodi thevarum un ithayakamalathul adakkam

yirelu buvanamuthal andangkal palavum un idathinil adakkamayya

varisaimigu baktha jana paripaalana moha valli kunjari manala

vanasamalar ayal mathanai  arul sarasa gopalan

varuha saravana murugane

varuha saravana murugane

Comments off